Шымкенттің бас санитарлық дәрігері пара алғаны үшін сотталды

Қылмыстық істер жөніндегі ауданаралық соты пара алу ісі бойынша төрт айыпталушыға қатысты қылмыстық істі қарады.

Сотталушыларға Қылмыстық кодекстің 366-бабының 3-бөлігінің 2-тармағы («Билікті жүзеге асыруға уәкілетті адамның алдын ала сөз байласуы бойынша адамдар тобынан ірі мөлшерде пара алу») бойынша айып тағылды.

«Айыпталушылар Шымкент қалалық санитарлық-эпидемиологиялық бақылау басқармасының басшысы бола тұра қылмыстық құқық бұзушылық жасаған. Олар 600 мың теңге көлемінде қомақты пара алған», - делінген сот қаулысында.

Прокурор соттан айыпталушыларды бас бостандығынан айыруды сұрады.

Барлық сотталушылар өз кінәларын толық мойындап, соттан бас бостандығынан айырудан басқа жаза тағайындауды сұрады.

"Сот Т.-ны ҚК-нің 366-бабының 3-бөлігінің 2-тармағымен кінәлі деп танып, алты жылға бас бостандығынан айырды. Сотталушы Т. ҚК-нің 366-бабының 3-бөлігінің 2-тармағымен кінәлі деп татанылды. Ал сотталушы М.-ға Қылмыстық кодекстің 368-бабының 2-бөлігімен кінәлі деп танылып, оған 21 миллион теңге көлемінде айыппұл салынды. Сотталушы А.-ны Қылмыстық кодекстің 367-бабының 2-бөлігімен айыпты деп тауып, оған 12 миллион теңге айыппұл салынды», - деп хабарлады Шымкент қалалық сотының баспасөз қызметі.

Соттың үкімі заңды күшіне енген жоқ.