Латвия үкіметі мектептерде орыс тілін алып тастау туралы шешім шығарды

Екінші шет тілі ретінде орыс тілінің орнына Латвиядағы оқушыларға төртінші сыныптан бастап Еуропалық Одақ елдеріндегі тілдердің бірін немесе оқуы үкіметаралық келісімдерде белгіленген шет тілін оқу ұсынылады. 

Латвия үкіметі бұл шешімді жастарды Еуропаның білім беру кеңістігіне қосуға және ЕО-ның ресми тілдерін үйренуге ықпал етеді деп санайды.

Екінші шет тілін (Латвия мектептерінде бірінші сыныптан бастап оқытылатын бірінші шет тілі ағылшын тілі) оқытудың жаңа жүйесіне көшу 2026/2027 оқу жылында бесінші сыныпқа көшетін оқушыларға басталады. Одан кейінгі жылдары 5–9-сыныптарда екінші шет тілін оқыту енгізіліп, 2030/2031 оқу жылында жаңа жүйеге толық көшу жоспарлануда.

Ал 2025 жылдың 1 қыркүйегінде төртінші сыныпта оқуын бастайтын оқушылар 2025/2026 оқу жылында екінші шет тілін оқымайды. 2025 жылдың 1 қыркүйегіне дейін орыс тілін екінші шет тілі ретінде оқып жатқан оқушылар орта мектепті бітіргенше орыс тілін жалғастыра алады.

Мектепте екінші шет тіліне Еуропалық Одақ тілдерінің бірін таңдау арқылы біз еуропалық мәдени кеңістікке және демократиялық әлем құндылықтарына жататындығымызды растаймыз. Осы кезеңде Ресей бастаған қанды соғыстан және оның украин халқына жасаған геноцидінен кейін, енді орыс тілі Латвия қоғамының үлкен бөлігі үшін міндетті екінші шет тілі ретінде қабылданбайды - деді  Латвия Білім және ғылым министрлігінің басшысы Анда Чакша.

Фото: currenttime.tv